黎小田：張國榮梅艷芳音樂感好好
11月26日 ON.CC原標題：拍幾十次拖？黎小田寫情歌全靠失戀
黎小田自爆揀唔到plug乜嘢歌，就會喺街隨機請途人試聽，由佢哋決定plug乜歌。
資深音樂人黎小田將於明年2月舉行作品展，接受電台訪問時，詳談當年與不同音樂人及歌手合作過的難忘事。講到他與黃霑（霑叔）合作的《問我》，他表示此曲是電影主題曲，笑言：「呢首歌我係用simple chord嚟寫，霑叔填嘅詞有兩、三個字唔係好食到個音，所以我自己改咗，跟住佢就喺報紙專欄鬧咗我3日。（你哋之後有冇嘢？）冇嘢，繼續合作。」他亦揀出三首最喜愛的作品，分別是《儂本多情》、《胭脂扣》及《大地恩情》，亦笑言寫情歌多是因為成日失戀。他又大讚已故巨星張國榮及梅艷芳：「佢哋音樂感好好，佢哋又識自己揀歌，當時有好多改編歌，佢哋會自己搵人填詞。」他亦謂當年決定不到plug哪首歌，會隨便在街上找途人試聽畀意見，他謂：「揀幾個路人上嚟錄音室，畀佢哋聽一次，鍾意邊首歌就plug邊首。」
當年曾經改過霑叔填嘅詞幾隻字，結果畀霑叔鬧咗三日。當年曾經改過霑叔填嘅詞幾隻字，結果畀霑叔鬧咗三日。
黎小田大讚張國榮同梅艷芳音樂感好強，自己識揀歌，仲會搵埋人填詞。
页:
[1]